ذكرى النكبه (الالم) اللي بحب فلسطين يتفضل

هكت ، وهي كلمة باللهجة العامية للفلاح الفلسطيني تعني مللت
زهكت من الجدار
زهكت من المستوطنات ومن المستوطنين
زهكت من إني أشوف عبري على هويتي
زهكت انه الناس برا بتعرف أكتر عن تاريخ اليهود من ما بتعرف عن تاريخنا
زهكت انه الناس بتعطي اولوية العوده لأي انسان يهودي على حق العوده لأي لاجيء فلسطيني
زهكت من اتفاقية اوسلو الي ما كان حدا بده ياها

زهكت من انه السلطة الفلسطينيه ما عندها اي سلطه
زهكت أشوف واحد بعمري بذل أبوي على محسوم
زهكت انه اصحابي الأجانب لازم يكذبوا ويتفتشوا علشان يجو هون ، وأحيانا برحلوهم بس عشان قضوا وقت مع فلطسينيه
زهكت لأنه ما في حد يتفهم أيش هي الحياه تحت احتلال
أنا زهكت من اني أكون خايفه طول الوقت
زهكت لأنه اضطراب ما بعد الصدمه صار حاله طبيعيه للإنسان الفلسطيني
زهكت من عدم فعالية الأمم المتحده
زهكت من انه القانون الدولي الإنساني ما بينطبق على “ الدوله “ الإسرائيليه
زهكت لأنه لما حد بدافع عن حقوق الإنسان الأساسيه للفلسطينيين او حتى بحاول ينتقد السياسه الإسرائيليه بعتبروه معادي للساميه
زهكت كيف الكل نسي انه احنا كمان ساميين !!
زهكت اسمع الإسرائيليه بتذمروا من العنصريه لما في الحقيقه مبدأ دولتهم الأساسي بتمحور حول النقاء العرقي
زهكت من اني عايشه بزمن مقبول فيه تصنيف الناس حسب عرقهم
زهكت اني دايماً بتعامل على إني انسان مشبوه
زهكت كيف الاعلام العالمي بصورنا وبعرض قضيتنا ووضعنا
زهكت من انه في اكتر من 7000 أسير فلسطيني في السجون الاسرائيليه ، والعالم نظره واهتمامه على شاليط
زهكت من انه لما احاول ادافع عن حالي او عيلتي او اصحابي بحكوا عني ارهابيه
زهكت انه وين مابتطلع بشوف يا إما جدار يا إما مستوطنه أو جندي اسرائيلي
انا زهكت من 64 سنه تحت احتلال !!!



منقوووووووووووووووول من مدونة شاب فلسطيني
زهكت من التهجير والتشريد .... وينتى رح يصحى العالم مو عارفه

عنجد انتي في غاية الروعة لانك عنجد اتحبي فلسطين احبكي الله ورعاكي

تسلميلي يارب
اكيد بحبها ولو بلدي هاي
نورتي موضوعي بطلتك الحلوه

لكل حادث حديث بس ما بعرف وقت حديث حادث فلسطييييين !

والله عجزت شو اكتب
ما شاء الله رووعة مثلا !
بس فلسطييين اكبر من هيك شي

موضوع في غايت الروعه

ياهلا هديل وغفور منورين موضوعي والله